شراكة
شريك يدفع معاك، وإنت تفضل مالك
لو وحدتك استثمار وشايف إن قيمتها جاية، مش لازم تبيعها عشان تخفّف الأقساط. تقدر تدخّل شريك يدفع معاك وياخد نسبة، وتفضلوا الاتنين مستفيدين من الزيادة.
الشراكة بتشتغل إزاي؟
- 1
تحدد النسبة والشروط
بتقول الشريك هياخد نسبة كام في الوحدة، وهيدفع إيه بالظبط، وهيردّ لك كام من اللي دفعته.
- 2
يوصلك المهتمين
الوحدة بتظهر في قسم الشراكة، والمهتم بيكلّمك من جوّه المنصة.
- 3
مراجعة الاتفاق
مكتب محاماة بيراجع اتفاق الشراكة قبل التوقيع — النسب والالتزامات وطريقة الخروج.
- 4
التوثيق
الاتفاق بيتوثّق، وبتفضلوا الاتنين ملاك بالنسب المتفق عليها.
قبل ما تدخل شراكة
الشراكة أكتر الطرق التلاتة اللي محتاجة ورق واضح. لو الاتفاق مش مكتوب فيه إيه اللي يحصل لو طرف وقف عن الدفع، أو إمتى الوحدة تتباع وإزاي العائد بيتقسم — يبقى الاتفاق ناقص مهما كانت النية سليمة.
أسئلة شائعة عن الشراكة
- الشراكة في الوحدة معناها إيه بالظبط؟
- حد بيدخل معاك في الوحدة: بيدفع الأقساط أو جزء منها، وممكن يردّ لك جزء من اللي دفعته، وياخد نسبة ملكية في الوحدة متفق عليها من البداية.
- النسبة بتتحدد إزاي؟
- إنت اللي بتحددها وقت العرض. المنطق الشائع إنها تتناسب مع اللي كل طرف دفعه وهيدفعه، بس مفيش قاعدة ثابتة — ده اتفاق بين طرفين.
- الشراكة مناسبة لأنهي وحدات؟
- غالباً الوحدات الاستثمارية اللي الهدف منها البيع بعدين مش السكن. لأن الشريك بيدخل على أمل إن قيمة الوحدة تزيد، والعائد بيتقسم عند البيع حسب الاتفاق.
- إيه اللي لازم يتكتب في اتفاق الشراكة؟
- نسبة كل طرف، ومين بيدفع إيه بالظبط ومتى، وإيه اللي يحصل لو طرف وقف عن الدفع، وإزاي وامتى الوحدة تتباع وإزاي العائد بيتقسم. ده أخطر جزء ولازم يتراجع قانونياً قبل أي جنيه.